მოვალ დეკემბრის ქარიან ღამით,
მოგიტან ციურ უსაზღვროებას,
თუკი დაათოვს შეხვედრის ადგილს,
შეავლე ფერად ტირიფებს მზერა…. . .

მოვალ დეკემბრის ბაღში ნამყოფი,
და მოგაწოდებ მიმოზებს ნაზად,
მადლობელი ვარ მხოლოდ იმისთვის,
რომ დამელოდე,თუმცა თოვს ახლაც. . .

მოვალ დეკემბრის მთვარიან ღამით,
მოგიალერსებ როგორც არასდროს,
შემოგთავაზებ სიყვარულს დღესაც,
მოგეფერები რაღაც უაზროდ. . .

საცაა მოთოვს,მე კი არ მცივა. . .
ვგრძნობ რომ სხეულით ,
     შენთან ვარ ახლოს. . .
დეკემბრის ასეთ ქარიან ღამით,
მე მხოლოდ შენთან ყოფნა გამათბობს. . .